پەرلەمانتارێکی یەکێتی نیشتیمانی کوردستان مەترسیەک لەسەر ژینگەی شاری ھەڵبجە و قەزای شارزوور و قەزای پێنجوێن و قەزای سەیدسادق ئاشکرادەکات و داوا دەکات پەرلەمان و لایەنە پەیوەندیدارەکان بەفریای ژینگەی ئەو ناوچانە بکەون.

دەقی نامەی سەرکۆ ئازاد گەڵاڵی:

بەناوی خوای گەورە و میھرەبان
‎ بۆ سەرۆکایەتی پەرلەمان  و لایەنی پەیوەندیدارەکان و رای 
گشتی 
‎بابەت /یاداشت

تکایە بە فریای ژینگە و پاک خوێنی شاری ھەڵبجە و قەزای شارزوور و قەزای پێنجوێن و قەزای سەیدسادق بکەون
‎کۆمپانیای گارێکس ئەرکی ھەڵگرتنەوەی خۆڵ و خاشاکی
‎ پارێزگای ھەڵەبجە و قەزای پێنجوێن و ناحیە و گوندەکانی و قەزای سەید سادەق و ناحیە و گوندەکانی و قەزای شارەزوور و ناحیە و گوندەکانی لە ئەستۆ گرتوە

‎لە مانگی ٢٠١٩/١ ماوەی گرێبەستەکەی تەواو بوو درێژ کرایەوە تا تا مانگی ٢٠١٩/٧ ئەو ماوەش تەواو بوو
‎تا ئێستاش بەردەوامە لە ئیش بەبێ ئەوەی ماوەشی بۆ درێژ بکرێتەوە یان کۆمپانیای تازە دەست بەکار ببێت
‎ماوەیەک پێش ئێستا کارەکانی بۆ دوو ڕۆژ ڕاگرت گرفتێکی زۆری دروستکرد و بەھەوڵی ھەموو لایەک سولفەیەک بۆ کۆمپانیا سەرفکراو دەستی بەکار کردەوە بەبێ ئەوەی چارەسەری کۆتای بکرێ

‎دوێنی بەرواری ٢٤/٩/٢٠١٩ دووبارە کۆمپانیای گارێکس کارەکانی ڕاگرت گرفتەکە دروست بوویەوە ئەگەر چارەسەر نەکرێ بۆماوەی یەک ھەفتە زبڵی ماڵان و بازاڕ فرێ نەدرێ ئەو شارانە ژیانی تێدا قورس دەبێت.

‎چارەسەر ئەوەیە بە خێرایی لایەنی پەیوەندیدار بێنە سەرخەت و گرێبەست لە گەل ھەر کۆمپانیەک بکەن یاخود گرێبەست درێژ بکرێتەوە بۆ ئەوەی ئەم شارانە نەبێتە زبلدانێکی گەورە کە دەبێتە ھۆی مەترسی گەورە و بڵاوبونەوەی نەخۆشی
 
 سەرکۆ ئازاد گەڵاڵی
ئەندامی پەرلەمانی کوردستان
٢٥/٩/٢٠١٩