ئەمڕۆ چوارشەممە ٢/١٠/٢٠١٩ ئەنجومەنی وەزیرانی حکومەتی هەرێم بەسەرۆکایەتی مەسرور بارزانی، سەرۆکی حکومەت و قوباد تاڵەبانی، جێگری سەرۆک وەزیران کۆدەبێتەوە، لە کۆبوونەوەکەدا تاوتوێی چەند پرسێک دەکرێت کە گرنگترینیان بریتین لە گفتوگۆكردن لەسەر پێشنیازێكی خوێندنی باڵا و قەرز و پابەندە داراییەكانی ئەستۆی حكومەتی هەرێمی کوردستان.
بەگوێرەی سەرچاوەیەک لە ئەنجومەنی وەزیرانی هەرێمی کوردستان لەکۆبوونەوەکەی ئەمڕۆدا جەخت لەسەر پاراستنی بەڵگەنامە فەرمییەكان لەلایەن فەرمانبەرانی حكوومەت و، گفتوگۆکردن لەسەر پێشنیاری وەزارەتی خوێندنی باڵا و توێژینەوەی زانستی بۆ دامەزراندنی سێ یەکەمەکانی گشت زانکۆ حکومییەکان بۆ ساڵی خوێندنی ٢٠١٥-٢٠١٦ ئەنجامدەدرێت.
تەوەرێکی تری کۆبوونەوەکە تایبەتە بە دانانی میكانیزمی پێویست بۆ زامنكردنی دەستەبەری كرێكاران و پێدانی پارەی بەشدارییەكانی كرێكاران، هەروەها بابەتی قەرز و پابەندە داراییەكانی ئەستۆی حكوومەتی هەرێمی كوردستان.