ڕەغدی کچی سەدام پەیامێکی ئاڕاستەی خۆپیشاندەران دەکات
ڕەغدی كچی سەدام حسێن، سەرۆكی پێشوتری عێراق و رژێمی بەعسی روخاو پەیامێكی سەبارەت بە خۆپیشاندانەكانی عێراق بڵاوكردەوە و خۆپیشاندەران بە "پاڵەوانە قارەمانەكان" ناودەبات و دەڵێت "هەریەك لە سوننە و شیعە و كورد، سەرجەمیان نەوەی قارەمانانی قادسیە-ن و خەڵكی عێراقن".
رەغد سەددام حسێن لە هەژماری تایبەتی خۆی تویتێكی بڵاوكردوەتەوە و بە خۆپیشاندەران دەڵێت "وەك چۆن پەیمانمان پێدابون لە ئێستادا ئێوە ئەفسانەی پاڵەوانیەتی دەهۆننەوە".
ڕەغد ئاماژەی بەوەشكردوە "هەریەك لە سوننە و شیعە و كورد، سەرجەمیان نەوەی قارەمانانی قادسیە-ن و خەڵكی عێراقن، هیوا خوازم لەو ناوچانەی خۆپیشاندانەكان تێیدا سەریهەڵنەداوە لە داهاتویەكەی نزیكدا سەرهەڵبدات و سەرتاسەری عێراق بگرێتەوە".
رەغد نوسیویەتی "تەواوی عێراق لەگەڵ ئێوەدایە ئەی پاڵەوانە قارەمانەكان، خودا لە شەهیدەكانمان خۆشبێت، ئێوە ئێستا وەك پەیمانمان پێدان ئەفسانەی پاڵەوانیەتی دەهۆننەوە، ئێوەی سوننە و شیعە و كورد خەڵكی عێراق و نەوەی پاڵەوانانی قادسیە-ن، لە سەرجەم كوچە و شارەكانی عێراق بە ئیزنی خودا".
رەغد گرتەیەكی ڤیدیۆیی خۆپیشاندانەكانی بڵاوكردوەتەوە و هاوپێچ لەگەڵ ڤیدیۆكەدا نوسیویەتی "داوای لێبوردن دەكەین بۆ سەختی دیمەنەكە، بەڵام دەمانەوێت بە ڤیدیۆ پیشانی بدەین لە خۆپیشاندانەكانی عێراقدا چی رودەدات و چۆن مافەكانی مرۆڤ پێشێلدەكرێت و بە خراپ مامەڵە لەگەڵ خەڵكدا دەكرێت".
ئەو پەیامەی ڕەغد لەکاتێکدایە بەۆی خۆپیشاندانەکانی عێراقەوە 44 کەس کوژراون و زیتر لە هەزار کەس برینداربوون.
ئەگەرچی هێزە ئەمنییەکان ئامادەکارییان کردووە و قەدەغەی هاتوچۆ بەردەوامە، بەڵام تا ئێستا دیارنیە کە ئاخۆ ئەو دۆخە ئەمنیە و پەیامەکەی ئەمڕۆی سیستانی و عادل عەبدولمەهدی دۆخەکە هێوەر دەکاتەوە یان خۆپیشاندان دەست پێدەکاتەوە.
PM:03:43:04/10/2019