سەرۆک کۆمار و سەرۆک وەزیرانی عێراق کۆبوونەوە



ئەمڕۆ شەممە ٥ ی تشرینی یەکەمی ٢٠١٩ د. بەرهەم ساڵح، سەرۆک کۆماری عێراق و عادل عەبدولمەهدی، سەرۆک وەزیرانی عێراق لە کۆشکی سەلام کۆبونەوە و تەئکیدیان کردەوە لەسەر بەدیھێنانی خواستەکانی گەنجان.

نوسینگەی سەرۆکایەتی کۆماری عێراق ڕایگەیاند" لە کۆبونەوەکەدا سەرۆک بەرهەم و سەرۆک وەزیرانی عێراق جەختیان لە جێبەجێکردنی داواکاریەکانی خۆپیشاندەران کردەوە و لێپێچینەوە لەگەڵ ئەو کەسانەی کە تێوەگلاوەن لە توندوتیژی". 

هاوکات لەڕاگەیەندراوەکەی سەرۆکایەتی کۆماری عێراقدا هاتووە: هەردوو سەرۆک جەختیان لە پارێزگاریکردن لە ئاسایش و سەلامەتی خۆپیشاندەران و ھێزە ئەمنیەکان کردەوە بۆ ڕێگریکردن لەو تاوانبارانەی کە دەستڕێژی گولەیان کردوە بە ناو ئاپۆڕای خۆپیشاندەران و ھێزە ئەمنیەکاندا.

هەروەها ئاماژە بەوەشکرا"  لەو دیدارەدا گفتوگۆکرا لەسەر دۆزینەوەی رێگەچارەی گونجاو بۆ روداوەکانی ئەم دواییە، کە زامنی بەرژەوەندی گشتی و ئارامی وڵات بکات". 
 


ئه‌م بابه‌ته ‌310 جار خوێنراوه‌ته‌وه‌‌

PM:03:47:05/10/2019