مووچەی مانگی ٧ ی مووچەخۆرانی هەرێم کە دوێنێ یەک شەممە دابەشنەکراو پێشبینی دەکرا ئەمڕۆ دوو شەممە ٧ی تشرینی یەکەم دابەشبکرێت، دواکەوت و هیچ لێدوانێکی فەرمی لەو بارەیەوە لە وەزارەتی داراییەوە بلآونەکراوەتەوە.
پێشبینی دەکرا ئەمڕۆ دوو شەممە دەستبکرێت بە دابەشکردنی مووچەی مانگی ٧ ی وەزارەتی پێشمەرگەو، جگە لە فەرمانبەرانی وەزارەت لیواکانی سەربە وەزارەت مووچە وەربگرن، بەلآم ئەمڕۆش مووچە نەدراو هیچ روونکردنەوەیەکیش لە وەزارەتی دارایی و حکومەتەوە لەسەر ئەو پرسە رانەگەیەندراوە.
مانگانە لە ٥ ی مانگەوە دەستدەکرێت بە دابەشکردنی مووچەی مووچەخۆرانی هەرێم، بەلآم ئەمڕۆ ٧ی تشرینی یەکەم، تا ئێستا مووچەی مانگی ٧ دابەشنەکراوە.