" بەهۆی لەشكركێشیەكانی توركیا بۆ سەر باكوری فورات تا ئێستا ١٠٠ هەزار هاوڵاتی ئاوارەبوون"
ئەمڕۆ هەینی ١١ ی تشرینی یەکەم رێكخراوی جیهانی نەتەوە یەكگرتوەكان لە نوێترین ڕاگەیەندراویدا ڕایگەیاند" پاش تێپەرینی تەنها سێ رۆژ بەسەر هێرشەكانی توركیا بۆسەر رۆژئاوای كوردستان، ١٠٠ هەزار هاوڵاتی ئەو ناوچانە شوێنی خۆیان جێهێشتووە و بێلانە بوون".
لەڕاگەیەندراوەکەدا ئەوەشخراوەتەڕوو: نیو ملیۆن خەڵكی دیكەش لەسەر سنوری نێوان توركیا و سوریا بەهۆی ئەو لەشكركێشیانەوە لە مەترسیدان، لە ناوچەكانی حەسەكە و سەرێ كانی و ژمارەیەك ناوچەی دیكەی باكووری فورات، بەهۆی بۆردومانەكانی توركیاوە دەیان كەس كوژراون و ژمارەیەكی زۆریش برینداربوون.
بەگوێرەی پرۆگرامی خۆراكی جیهان تا ئێستا ٧٠ هەزار هاوڵاتی لە ناوچەكانی حەسەكە و رەققە بە ناچاری بەهۆی بۆردومانەكانەوە لانەكانی خۆیان جێهێشتووە.
PM:10:00:11/10/2019