وێنە.. کۆمسای لەسەر بریندار بوونی محەمەد هاتە دەنگ



خانمە هونەرمەندی گۆرانیبێژ کۆمسای، دەربارەی سڕینەوەی ڤیدیۆی محەمەد کە بەهۆی هێرشەکانی تورکیاوە بەشێکی جەستەی سوتاووە ڕایگەیاند" ئەم سەردەمە سەردەمی سەرمایەدارییە و سەردەمی مرۆڤ فرۆشتنە هەربۆیە راستی دەسڕدرێتەوە". 


خانمە هونەرمەندی گۆرانیبێژی کوردستان کۆمسای لە واڵی تایبەتی خۆی لە تۆڕی کۆمەڵایەتی "ئینستاگرام" سەبارەت بەبریندار بوونی محەمەد هاتە دەنگ و دەڵێت" ئینستاگرام ڤیدیۆی قوربانیانی کیمیاییەکەی ئەردۆغان ئەسڕێتەوە، ئەم سەردەمە سەردەمی سەرمایەدارییە، سەردەمی مرۆڤ فرۆشتنە، سەردەمی میدیا و سەرقاڵکردنی من و تۆیە، دورمان دەخاتەوە لە حەق و ڕاستی".


کۆمسای ئەوەشی خستەڕوو: سەرمایەداری شکستی هێناوە، بۆیە ڕاستی ئەسڕێتەوە ناتوانێت راستی قبوڵ بکات، پەلە مەکەن زەوی بەرگەی ئەم هەموو کوشتنە ناگرێت، تەواو ئەبێت، بەڵام یەکشت هەتا مردن و دوای مردن دەست بەرداری ناخمان نابێت، ویژدان .. مرۆڤبین.


کۆمسای لە نوسینەکەیدا ئەوەشی ئاشکرا کردووە: دڵخۆشە کە هیچ کات کلیپی لەو وڵاتە نەکردووە و بەسەردان و گەشتیش نەچووەتە تورکیا.


کۆمسای لە دایکبووی ڕۆژهەڵاتی کوردستانە، یەکێک بوو لە بەشداربووانی پڕۆگرامی خۆشترین دەنگ لە کەناڵی NRT2، خاوەنی دوو ئەلبومی گۆرانیە بە ناوی ماڵی دنیا ٢٠١٤ بڵاوکراوەتەوە و زرمە لەساڵی ٢٠١٥ بڵاوکراوەتەوە، جگەلەوەش چەند ڤیدیۆ کلیپێکی هەیە. 
 


ئه‌م بابه‌ته ‌3510 جار خوێنراوه‌ته‌وه‌‌

PM:01:59:21/10/2019