بڕیارە ئەمڕۆ چوارشەممە ٢٣ی تشرینی یەکەمی ٢٠١٩ گروپی دەنگی نیشتیمان لە شاری هەولێرلە بەردەم پارکی شانەدەر کۆمەک و هاوکاری بۆ رۆژئاوای کوردستان کۆ بکەنەوە.
گروپی دەنگی نیشتیمان لە ڕاگەیەندراوێکدا کە بە ماڵپەڕی "سپی" گەیشتووە ڕایگەیاند" داواکارم لە خەڵکی سەربەرزی پایتەخت هیمەت بکەن و یارمەتی و هاوکاریەکانیان بگەیەننە دەستی کەمپینی هاواری نیشتیمان.
هەروەها گروپی دەنگی نیشتیمان ئەوەشی خستەڕوو: لە کەم کەم و لە زۆر زۆر، هەر بڕو جۆرە هاوکاریەک نرخ و بەهای خۆی هەیە و جێگەی خۆی دەگرێت.
هاوکات گروپی دەنگی نیشتیمان جەختیشیکردەوە: ئەم رۆژە سەختەش تێدەپەڕێت، با بە ویژدانێکی ئاسودەوە دڵنیابین، بە هاوکاری رۆژئاوا ئەرکی مرۆڤایەتی و ئەخلاقی و ئاینی و نەتەوەیی خۆمان جێبەجێکردووە.