‌به‌شار جه‌عفه‌ری نوێنه‌ری سووریا له‌ نه‌ته‌وه‌یه‌كگرتووه‌كان رایگه‌یاند" ره‌فتاره‌ دوژمنكارییه‌كانی توركیا بۆ سه‌ر خاكی سووریا هیچ پاساوێكیان نییه، به‌و په‌ڕی توندییه‌وه‌ ئیدانه‌ی ده‌كه‌ین و هه‌موو هه‌وڵێكی ئه‌ردۆغان بۆ پاساودانی كرده‌وه‌ دوژمنكارییه‌كانی له‌ ژێر هه‌ر بیانوویه‌كدا بێت ره‌تده‌كه‌ینه‌وه‌".


هاوکات جەعفەری دەشڵێت: توركیا ده‌یان هه‌زار تیرۆریستی بیانی ره‌وانه‌ی سووریا كردووه‌ و چه‌كی پێداون و نه‌وتی سووریا و شوێنه‌وار و كارگه‌كانی ده‌دزن. 


نوێنەری سووریا لە نەتەوەیەکگرتووەکان ئەوەشی خستەڕوو: هه‌موو هه‌وڵه‌ تاكلایه‌نه‌كانی توركیا دژی سووریا رابگیرێن و بۆ له‌ناوبردنی تیرۆر ته‌نیا رێگه‌ هه‌ماهه‌نگی و هاوكاری ته‌واوه‌ له‌گه‌ڵ حكومه‌تی دیمه‌شق.