دەنگۆی ڕوودانی تەقینەوە لەبەرزاییەكانی عەنەبی پارێزگای هەڵەبجە رەتدەكرێتەوە و هێزە ئەمنییەكانیش زانیاری لەبارەیەوە ئاشكرادەكەن.
بەیانی ئەمڕۆ لەتۆڕە كۆمەڵایەتییەكان دەنگۆی ئەوە بڵاوكرایەوە كە لەبەرزاییەكانی عەنەبی پارێزگای هەڵەبجە تەقینەوە رویداوە و بەپێی زانیاریەكانیش ئەو مادانەی لەنزیك پارێزگای هەڵەبجە لەناوبراون، یاری ئاگرین و تەقەمەنی منداڵان بوون و لەماوەی رابردوودا لەلایەن بەشی ئابوری بەڕێوەبەرایەتی ئاسایشی شارەزوورەوە دەستیان بەسەردا گیراوە.
هەر بەپێی زانیارییەكان، لایەنە ئەمنییەكانیش پێشوەختە لایەنە پەیوەندیدارەكانی پارێزگای هەڵەبجەیان بۆ لەناوبردنی ئەو تەقەمەنی و یارییە ئاگرینانە ئاگادار كردوەتەوە.