گەڕانی هاوبەشی رووسیا و توركیا لە ڕۆژئاوای کوردستان دەستیپێکرد

ئه‌مڕۆ هه‌ینی گەڕانی هاوبەشی كاروانی سه‌ربازی رووسیا و توركیا له‌ قامیشلۆ ده‌ستی پێکرد و بڕیاره‌ ماوه‌ی 5 كاتژمێر چاودێری ره‌وشی ئاسایشی ناوچه‌كه‌ بكه‌ن.

ئه‌مڕۆ هێزه‌كانی رووسیا و توركیا به‌ هاوبه‌شی گه‌ڕێكی سه‌ربازییان ده‌ستپێكردووه‌ و چاودێری ره‌وشی ئاسایشی شاره‌كه‌ ده‌كه‌ن.

بڕیاره‌ هێزه‌كانی رووسیا رۆژانه‌ له‌ 9 ناوچه‌ی نیشته‌جێبوونی هاووڵاتیان بسووڕێنه‌وه‌ و چاودێری ره‌وشی ئاسایش بكه‌ن.

ئاژانسی هه‌واڵی نۆڤۆستی رووسی، بڵاویكرده‌وه‌، ده‌ورییه‌كانی رووسیا و توركیا، ئه‌مڕۆ به‌ هاوبه‌شی كار ده‌كه‌ن و 150 كیلۆمه‌تر له‌ ماوه‌ی پێنج كاتژمێردا به‌سه‌ر ده‌كه‌نه‌وه‌.

سوپای رووسیا، 300 پۆلیسی سه‌ربازی و 20 ئۆتۆمبێلی گوله‌نه‌بڕی له‌ باكووری سووریا بڵاوكرده‌وه‌ و بڕیاره‌ له‌گه‌ڵ سوپای توركیا به‌یه‌كه‌وه‌ ده‌ورییه‌ی سه‌ربازی هاوبه‌ش پێكبهێنن.


ئه‌م بابه‌ته ‌332 جار خوێنراوه‌ته‌وه‌‌

PM:12:36:01/11/2019