خۆپیشاندان لە بەغدا و چەند شارێکی دیکەی عێراق بەردەوامە

‌


بەگوێرەی زانیارییەکان ئەمڕۆ یەک شەممە ٣ی تشرینی دووەمی ٢٠١٩خۆپیشاندان لە بەغدا و چەند شارێکی دیکەی عێراق بەردەوامە و بەندەری ئوم قەسریش داخراوە.


هاوکات لای خۆشییەوە محەمەد هاشم ئه‌لعانى، وه‌زیرى بارزگانیی عێراق ڕایگەیاند" ناڕه‌زایه‌تى و خۆپیشاندانى ناوچه‌كه‌ بووه‌ته‌ هۆى دواكه‌وتن له‌ به‌تاڵكردنه‌وه‌ى ژماره‌یه‌كى زۆرى بارهه‌ڵگرى برنج و خوارده‌مه‌نى تر بۆ به‌نده‌ره‌كه‌ و ڕێگریه‌كى زۆرى بۆ هه‌نارده‌كردنى ئه‌و پێداویستیانه‌ دروستكردووه‌".


وەزیری بازرگانی عێراق جەختیشیکردەوە: جموجۆڵه‌ بازرگانیه‌كان به‌شێوه‌یه‌كى گشتى به‌هۆى شه‌پۆلى ناڕه‌زایه‌تیه‌كانه‌وه‌ زیانى زۆرى به‌ركه‌وتووه‌.


دوێنێ شەممە کۆمسیۆنی مافەکانی مرۆڤ لە عێراق ئاماژەی بەوەکرد" ١٢٠کەس لە خۆپیشاندانەکانی بەندەری ئوم قەسر برینداربوون".


هەروەها داواى له‌ خۆپیشانده‌ران كرد پابه‌ند بن بە شوێنى خۆپیشاندانه‌كانیانه‌وه‌ و هه‌ڵنه‌كوتنه‌ سه‌ر شوێنى گشتى و موڵكى گشتیش نه‌خه‌نه‌ مه‌ترسیه‌وه‌. 


 


 
 


AM:09:37:03/11/2019








ئەستێرەکان

Spee Media