مووچەی پەرلەمانتارانی عێراق کەم کرایەوە
بەپێی بڕیارێکی نوێی پەرلەمان، مووچەی پەرلەمانتارانی عێراق بەشێوەیەکی بەرچاو کەم کرایەوە و پەرلەمانتارێکیش زانیاری لەوبارەیەوە ئاشکرادەکات.
ئەمڕۆ دووشەممە، ئەندامێکی لیژنەی دارایی پەرلەمانی عێراق بە میدیاکانی ئەو وڵاتەی راگەیاندووە، دوای دروستبوونی خۆپیشاندانەکان لە عێراق، پەرلەمان بڕیاری کەمکردنەوەی مووچەی پەرلەمانتاران و سێ سەرۆکایەتییەکەی عێراقی دا.
ئەو ئەندامەی لیژنەی دارایی هەروەها رایگەیاندووە، بەپێی بڕیارەکە، مووچەی پەرلەمانتاران بۆ چوار ملیۆن دیناری مانگانە کەم کرایەوە و لەو چوار ملیۆنەش، کرێی خانووی پەرلەمانیان لێ وەردەگیرێ، کە دەگاتە دوو ملیۆن دینار.
PM:04:00:04/11/2019