ئەندامانی کوردی لیژنەی دەستوور زیاد کران

‌
جێگری سەرۆکی پەرلەمانی عێراق رایگەیاند " ئەندامانی کوردی نێو لیژنەی پێشنیارەکانی هەموارکردنەوەی دەستوری عێراق لە سێ کەسەوە بۆ شەش کەس زیادکران".


بەشێر حەداد، جێگری سەرۆکی پەرلەمانی عێراق لە راگەیەندراوێکدا ئاماژەی بەوەکردوە، نوسراویان ئاراستەی سەرۆکی پەرلەمان کردوە و ئەویش رەزامەندی نیشانداوە بە زیادکردنی سێ کەس بۆ لیژنەکە.


جێگری سەرۆکی پەرلەمانی راشیگەیاند،"ئەو پەرلەمانتارە كوردانەی زیادکراون بریتین لەهەریەك لە رێبوار هادی و عەبدولباری مودەریس و د.جەمال کۆچەر".


رۆژی 28 مانگی رابردو پەرلەمانی عێراق لیژنەیەکی بۆ هەموارکردنەوەی دەستوری عێراق پێکهێنا. 
 


PM:11:42:09/11/2019








ئەستێرەکان

Spee Media