بەپێی زانیارییەکان شەوی ڕابردوو تیرۆریستانی داعش لە سنووری پارێزگای دیالە هێرشیان كردەسەر هێزە عیراقییەكان و ژمارەیەك ئەندامی ئەو هێزانە كوژراون و برینداربوون.
سەرچاوەکان باس لەوەدەکەن" تیرۆریستانی داعش لە چەند ناوچەیەكی سنووری شارەدێی گوڵاڵە، ئیمام وەیس و نەفتخانەی سەر پە پارێزگای دیالە پەلاماری هێزە عیراقییەكانیان داوە".
سەرچاوەکان ئاماژە بەوەشدەکەن" تیرۆریستانی داعش لە نەفتخانە هێرشیان كردەسەر چەكدارانی حەشدی شەعبی و ڕووبەڕووبوونەوە ڕوویدا، هەروەها لە گوندی باخچەی سەر بە نەفتخانە بۆمبێك بە هێزە عیراقییەكاندا تەقیوەتەوە و لە ئەنجامی تەقینەوەكەدا دوو چەكداری حەشدی شەعبی كوژران و سیانی تریش بریندار بوون".
پارێزگای دیالە یەکێک لە پارێزگاکانی عێراقە کە کەوتۆتە ڕۆژھەڵاتی ئەم وڵاتە، ناوەندی ئەم پارێزگایە شاری بەعقوبەیە، بە پێی سەرژمێرییەکانی ساڵی ٢٠٠٣ ژمارەی دانیشتووانی ١،٢٢٤،٠٠٠ کەس بووە.