بەپێی هەواڵی میدیاکانی ئێران، شەوی رابردوو لە شاری سەقزی رۆهەڵاتی كوردستان بەهۆی رووداوی تەقینەوەی غازێك لە كاتی بەڕێوە چوونی ئاهەنگێكدا ١١ كەس كوژراون و بریندارەكانیش نزیكەی ٤٠ كەس بۆ ٥٠ كەس دەبن.
سەرچاوەکان باس لەوەشدەکەن، شەوی رابردوو لە كاتی ئاهەنگێكی كۆمەڵایەتی بوكوزاوایەتی لە هۆڵی "مانگە شەو" كەپسولێكی غاز تەقیەوە و بەهۆیەوە ١١ كەس كوژراون، هەروەها بریندارەكانیش بەشێكیان مەترسیدارن و زیاترن لە ٤٠ كەس.
بەپێی زانیارییەکان، دۆخی تەندروستی سێ لە بریندارەكان سەختەو روداوەكە لە هۆڵێك بەناوی "مانگە شەو" رویداوە و بەهۆی كێشە لە سیستمی گازی هۆڵەكەدا تەقینەوە رویداوە.