حکومەتی هەرێم ئه‌مڕۆ رێكه‌وتی ١٢ی کانوونی یەکەم پڕۆژه یاسای چاكسازی ره‌وانه‌ی په‌رله‌مان كرد.
له راگه‌یه‌ندراوێكدا كه وێنه‌یه‌كی ده‌ست " سپی" كه‌وتووه، په‌رله‌مانی كوردستان ئاشکرای دەکات "پڕۆژه یاسای چاكسازی كه دوێنێ له كۆبوونه‌وه‌ی ئه‌نجومه‌نی وه‌زیرانی هه‌رێم په‌سندكرا، ئه‌مڕۆ پێنج شه‌ممه ئاڕاسته‌ی په‌رله‌مان كرا و له‌لایه‌ن وه‌زیری هه‌رێم بۆ كاروباری په‌رله‌مان گه‌یه‌ندرایه ده‌سته‌ی سه‌رۆكایه‌تیی په‌رله‌مان".
پەرلەمانی کوردستان جەخت لەسەر ئەوە دەکات کە ده‌سته‌ی سه‌رۆكایه‌تی په‌رله‌مان بانگهێشتی ئه‌ندامانی په‌رله‌مان دەکات بۆ كۆبوونه‌وه به مه‌به‌ستی خوێندنه‌وه‌ی یه‌كه‌م بۆ پڕۆژه یاساكه.
دوێنێ لە ئەنجومەنی وەزیرانی حکومەتی هەرێم یاسای چاکسازی بڕیاری لەسەر درا.