ئەمڕۆ یەکشەممە ١٥ی کانوونی یەکەمی ٢٠١٩ لە ڕاگەیەندراوێکدا ناوەندی ڕاگەیاندنی هێزەكانی پاراستنی گەل "هەپەگە" ڕایگەیاند" لە ئەنجامی چالاكی گەریلاكانی هەپەگە و یەژاستاردا لە هەرێمەكانی هەفتانین و خواكوڕك ١١ سەربازی سوپای توركیا كوژراون".
لە ڕاگەیەندراوەکەدا هەپەگە ئاماژەی بەوەشکردووە" گورزی قورسیان لە مۆڵگە و حەشارگەكانی دوژمن وەشاند".
دەقی ڕاگەیەندراوەکەی ناوەندی ڕاگەیاندنی هێزەكانی پاراستنی گەل- هەپەگە بەم شێوەیەیە..
"لە چوارچێوەی هەنگاوی شۆڕشگێری جەنگی حەفتانیندا کە لە هەرێمی پاراستنی میدیا بەردەوامە، هێزەکانمان یەژاستار ١٣ی کانونی یەکەم کاتژمیر ١٤:٢٠ لەدژی داگیرکەرانی تورک لە گردی کۆنفەڕانس چالاکیەکیان ئەنجامدا. گورزی گەورەیان لە دوژمندا. لە چالاکیەکەدا ٨ سەرباز کوژران و ٢ سەربازیش برینداربوون.
لە چوارچێوەی هەنگاوی شۆڕشگێری شەهید باگەر و شەهید ڕۆنیادا هێزەکانمان لە هەرێمی خواکورکی هەرێمی پاراستنی میدیا لەدژی سوپای داگیرکەری تورک چالاکی ئەنجامدا.
هێزەکانمان لە ١٤ی کانونی یەکەم کاتژمێر ١٤:٣٠ لە گردی شەهید ئاخین لە داگیرکەرانیاندا. ژمارەی کوژراو و بریندارەکانی دوژمن نەزانرا.
هەمان ڕۆژ کاتژمێر ١٥:٤٥ هێزەکانمان لەدژی سەربازانی دوژمن لە گردی شەهید دەرویش چالاکیان ئەنجامدا و گورزی قوڕسیان لە دوژمنی داگیرکەر دا. لە چالاکیەکەدا ٣ سەرباز کوژران و سوپای تورکی داگیرکەر بە هەلیکۆپیەر کوژراو و بریندارەکانی لە هەرێمەکە دوورخستەوە.