ئەمڕۆ چوارشەممە ١٨ی کانوونی یەکەمی ٢٠١٩ سەرچاوەیەکی ئاگادار لە وەزارەتی دارایی و ئابووری حکومەتی هەرێمی کوردستان ڕایگەیاند" سێ مووچەی مانگەكانی ١٠و ١١و ١٢ دەكرێنە چەك و لە ساڵی داهاتوو دابەش دەكرێن".
ماڵپەڕی (باسنیوز) لە زاری سەرچاوەیەكی داراییەوە بڵاویكردەوە" لە کۆبوونەوەیەکدا لەگەڵ بەرپرسی گەنجینەکان، بەرپرسانی وەزارەتی دارایی پێیان ڕاگەیاندوون، مووچەی مانگەکانی ١٠ و ١١ و ١٢ی ٢٠١٩، لە مانگەکانی سەرەتای ساڵی داهاتوو دەدرێن، واتە مانگی ١٠لە مانگی ١ی ساڵی ٢٠٢٠ دەدرێت، مووچەی مانگی ١١لە مانگی ٢ دەدرێت،هەروەها مووچەی مانگی ١٢لە مانگی ٣ دەدرێت".
لای خۆیەوە ڕێباز حەملان، یاریدەدەری سەرۆكی حكومەتی هەرێمی كوردستان بۆ ئەو ماڵپەڕە ڕایگەیاندووە" حكومەت بڕیاری نەداوە سێ مووچەكەی ئەمساڵ پاشەكەوت بكرێت، بەڵكو بەردەوام دەبێت".