بریارە سبەینێ شەممە ١١ی کانوونی دووەمی ٢٠٢٠ سەرۆک وەزیرانی دەستلەکارکێشاوەی حکومەتی عێراق سەردانی هەولێر بكات و لەگەڵ بەرپرسانی باڵای هەرێمی كوردستان كۆببێتەوە.
بەپێی زانیارییەکان، سبەی عادل عەبدولمەهدی، سەرۆک وەزیرانی کاربەڕێکەری عێراق لەگەڵ شاندێکی باڵا لەبارەی بارودۆخی ئێستای عێراق و پەیوەندییەكانی هەولێر و بەغدا و دۆزینەوەی چارەسەرێك بۆ قەیرانی ئێستا سەردانی هەرێمی کوردستان دەکات.
دوای دەست بەكاربوونی وەكو سەرۆك وەزیرانی عێراق ئەمە یەكەم سەردانی فەرمی عادل عەبدولمەهدییە بۆ هەولێر.