قایمقامیەتیی سلێمانی رایگەیاند" هیچ گرفتێکی کەمیی و بەرزبونەوەی نرخی غازی ماڵان بونی نییە و هەر سەرپێچییەکیش هەبێت هاووڵاتیان دەتوانن پەیوەندییمان پێوە بکەن".
ئەمرۆ یەکشەممە لەشکر حەمید، سەرۆکی لیژنە هاوبەشەکانی قایمقامیەتیی سلێمانی رایگەیاندوە" بە وردیی چاودێریی بازاڕ دەکەن و هەر فرۆشیارێک یان هەر کارگەیەک نرخ بەرزبکاتەوە ئەوا سزا دەدرێت".
ئاماژەی بەوەشکرد" نرخی بتڵێک غازی ماڵان، هەر وەک جاران حەوت هەزار پێنج سەد دینارە".
قائیمقامییەتی سلێمانی راشیگەیاند" بەهۆی شاردنەوە و نەفرۆشتنی غازی ماڵان، لیژنە هاوبەشەکانی قائیمقامیەتیی شارەکە، بە هاوکاریی ئاسایشی ئابووریی، لە ناو بازاڕی گەڕەکی سەرچنار دوکانی غاز فرۆشێکیان داخستووە".
جەختیکردەوە: هاووڵاتیان لەکاتی بینینی هەر سەرپێچیەک، ئەوا پەیوەندی بە لیژنە هاوبەشەکانی قائیماقامیەتیی سلێمانییەوە بکەن.