وتەبێژی پۆلیسی پارێزگای دهۆک رایگەیاند" لە سنووری پارێزگای دهۆک پێنج کەس بەتۆمەتی قومارکردن دەستگیرکراون".
ھێمن سلێمان، وتەبێژی پۆلیسی دھۆک له هەژماری تایبەتی خۆی له تۆڕی کۆمەڵایەتی فه‌یسبووك بڵاویكردووەتەوە و دەڵێت" لە هەڵمەتێکی هێزەئەمنییەکاندا پێنچ کەس لەسەر قومارکردن لە کێڵگەیەکدا دەستگیرکراون".
هێمن سلێمان نووسیویەتی" سەرجەم تۆمەتبارەکان لە کێڵگەیەک لە نێوان گوندی بێسرێ - باجلوریی سنووری پارێزگای دهۆک دەستگیرکراون و، بەپێی ماددەی 386 لە یاسای سزادانی عێراقی رەوانەی لای دادوەر کراون بۆ لێکۆڵینەوە".