هەواڵی گیان لەدەستدانی هەوار مەلا محەمەد بڵاودەبێتەوە

‌
له‌ سایته‌ عێراقییه‌كان هه‌واڵی گیان له‌ده‌ستدانی هەوار مەلا محەمەد یاریزانی پێشووی هه‌ڵبژارده‌ی عێراق بڵاوكرایه‌وه‌، برایه‌كی رەتیدەکاتەوە.


هه‌ڵگورد مه‌لا محه‌مه‌د برای هاوار مه‌لا محه‌مه‌د، کە ئەمیش یاریزانێکی ناسراو بوو، ئەو هەواڵەی رەتکردەوەو جەختی لەسەر ئەوە کردەوە ئه‌و هه‌واڵه‌ دووره‌ له‌ راستییه‌وه‌.


ئه‌مڕۆ شه‌ممه‌ بڵاوكرایه‌وه‌ گوایه‌ هاوار مه‌لا محه‌مه‌د یاریزانی پێشووی هه‌ڵبژارده‌ی عێراق به‌هۆی روداوێكی هاتوچۆوه‌ گیانی له‌ده‌ستداوه‌، هه‌ڵگورد مه‌لا محه‌مه‌د لە راگەیاندنێکدا ئاماژە بۆ ئەوە دەکات "هه‌ندێ سایت و په‌یجی تۆڕه‌ كۆمه‌ڵایه‌تییه‌كان بۆ زیادكردنی لایك و سه‌ردانیكه‌رانیان، هه‌واڵی ناڕاست بڵاوده‌كه‌نه‌وه‌".


هاوار مه‌لا محه‌مه‌د له‌ساڵی ١٩٨١ له‌دایكبووه‌و سه‌ره‌تا له‌ ساڵی ١٩٨٨وه‌ له‌ یانه‌ی وه‌رزشی موسڵه‌وه‌ ده‌ستی به‌ یاریكردن كردووه‌و دواتر بووه‌ته‌ یاریزانی قوه‌ جه‌ویه‌، له‌ساڵی ٢٠١٥ به‌یه‌كجاریی وازهێنانی خۆی له‌ یاریكردن راگه‌یاند.
 


PM:08:33:08/02/2020








ئەستێرەکان

Spee Media