سلێمانی.. بەهۆی هەبوونی مشکەوە خواردنگایەک داخرا

‌
له‌لایه‌ن لیژنه‌ی ریستۆرانتی سه‌ر به‌ لیژنه ‌هاوبه‌شه‌كانی قائیمقامیه‌تی سلێمانییه‌وه‌ خواردنگای لازۆر داخرا لەبەرئەوەی لە گەنجینەی خۆراکەکانیان بینراوە.


بەپێی راگه‌یه‌ندراوێكی‌ قائیمقامیه‌تی‌ سلێمانی‌، له‌كاتی سه‌ردانی لیژنه‌كاندا له‌ كۆگای ئاماده‌كردنی خوارده‌مه‌نیه‌كانی خواردنگه‌ی لازۆنا، سه‌رنج دراوه‌ له‌ هه‌بونی پاشه‌ڕۆی ئاژه‌ڵه‌ قرتێنه‌ره‌كان (مشك و جرج) و لیژنه‌كه‌ به‌ گرته‌ی ڤیدیۆیی هه‌بونی ئاژه‌ڵه‌ قرتێنه‌ره‌كان له‌ شوێنه‌كه‌ پشتڕاست ده‌كه‌نه‌وه‌.


لە راگەیەندراوەکەدا هاتووە "به‌فه‌رمانی قائیمقامی سلێمانی و له‌لایه‌ن لیژنه‌كانی قائیمقامیه‌ته‌وه‌ خواردنگه‌ی لازۆنا داده‌خرێت و خاوه‌نه‌كه‌شی روبه‌ڕوی رێكاری یاسایی ده‌كرێته‌وه"‌.


لیژنه‌ی ریستۆرانت، یه‌كێكه‌ له‌ لیژنه‌ هاوبه‌شه‌كانی قائیمقامیه‌تی سلێمانی رۆژانه‌ سه‌ردانی خواردنگه‌ و ریستۆرانت و كافتریا و هه‌مو ئه‌و شوێنانه‌ ده‌كات هاوڵاتیان و گه‌شتیاران بۆ به‌سه‌ربردنی كاتێكی خۆش روی تێده‌كه‌ن و له‌كاتی هه‌بونی سه‌رپێچی شوێنه‌كه‌ و خاوه‌نه‌كه‌شی روبه‌ڕوی رێكاری یاسایی ده‌كاته‌وه‌.
 


PM:01:25:12/02/2020








ئەستێرەکان

Spee Media