تەندروستی ئێران رایگەیاند ژمارەی توشبووان بەكۆرۆنا گەیشتوەتە 43 كەس و تائێستاش ٨ كەس گیانیان لەدەستداوە، وڵاتانی دراوسێش بۆ دوورخستنەوەی ئەو بەڵایە سنوری لەگەڵ دادەخەن و گەشتەکان رادەگرن، دوا وڵاتیش تورکیایە.
كیانوش جیهانپور سەرۆكی پەیوەندییە گشتییەكان و راگەیاندنی تەندروستی ئێران ئەمڕۆ ٢٣ی شوبات رایگەیاند" ١٥ حاڵەتی نوێی توشبوون بەڤایرۆسی كۆرۆنا تۆماركراوەو ژمارەی سەرجەمی توشبوانیش گەیشتوەتە 43 كەس و تائێستاش ٨ کەس بەهۆی ڤایرۆسەكەوە گیانیان لەدەستداوە."
سەرۆكی پەیوەندییە گشتییەكان و راگەیاندنی تەندروستی ئێران وتیشی " توشبوەكان زۆرینەیان لەپارێزگای قومەو ئەوانەی تریش لەتارانی پایتەخت و گیلان و پارێزگای مەركەزی و تیلیكابوونن".
ئەوە لە کاتێکدایە کە لە ١٠ پارێزگای ئەو شارە زانکۆکان و خوێندن بەگشتی راگیرا.
هەروەها توركیاش بۆ رێگری لەڤایرۆرسەكە، بڕیاریداوە خاڵە سنورییەكان لەگەڵ ئێران دابخات و هاتووچۆی گەشتیاران رابگیرێت.
ئەوە لە کاتێکدایە کە میدیاکانی رۆژئاوا گومان دەکەن لەو ژمارەی گیان لەدەستدان و تووشبوانی ئێران بڵاویدەکاتەوەو قەوارەی کارەستاکە لەوە بە قورستر دەزانن.