بەمەبەستی رێگریکردن لە بڵاوبوونەوەی ڤایرۆسی کۆرۆنا شانەی قەیرانەکانی عیراق بڕیاریدا بە راگرتنی هاتووچۆ لە نێوان سەرجەم پارێزگاکان.
شانەی قەیرانەکانی عیراق لە بەیاننامەیەکدا بڵاویکردەوە" بۆ سەلامەتی هاووڵاتییان و رێگریکردن لە بڵاوبوونەوەی ڤایرۆسی کۆرۆنا بڕیاردا بە قەدەغەکردنی هاتوچۆ لە نێوان پاریزگاکاندا لە رۆژی ١٥ی ئادارەوە تاوەکو ٢٥ی ئادار، جگە جموجۆڵە بازرگانییەکان و هاتوچۆی فەرمانبەران ئەگەر زۆر پێویست بێت".
وتیشی" سەرجەم کۆڕو کۆبوونەوەکان و ئاهەنگ و پرسە قەدەغەدەکرێت وچێشتخانەکانیش دەبێت بە ڕیگەی دیلیڤەری خواردن بگوازنەوە بۆ شوێنەکان".
ئاماژەی بەوەشکرد" هەوەرها قەدەغەکردنی هاتنە ناوەوەی هاووڵاتییان لە رێگەی قەتەر و ئەڵمانیا جگە لە شاندە فەرمییەکان".
جێگای ئاماژەیە، رۆژانە حاڵەتی نوێی تووشبوون بە ڤایرۆسی کۆرۆنا لە شارەکانی عیراق تۆمار دەکرێت و ئەم بڕیارەش بە ئامانجی رێگریکردنە لە بڵاوبوونەوەی ڤایرۆسەکە.