وەزیری دارایی حکومەتی هەرێم ڕایگەیاند" موچە بەهۆی قەدەغەی هاتوچۆوە دابەشنەکراوە، پارەی موچەی وەزارەتەکان ئامادەیە".
ئەمڕۆ دووشەممە لە کۆنگرەیەکی ڕۆژنامەوانیدا ئاوات شێخ جەناب، وەزیری دارایی و ئابوریی حکومەتی هەرێم ڕایگەیاند" مووچە بەهۆی قەدەغەی هاتوچۆوە دابەشنەکراوە، پارەی موچەی وەزارەتەکان ئامادەیە، هەرکاتێک قەدەغەی هاتوچۆ نەما دابەشیدەکەن".
ناوبراو جەختیکردەوە: مووچە بەهۆی ئەو رەوشەتەندروستیەوە دابەشنەکراوە کە ئێستا لە هەرێمی کوردستان هاتۆتە ئاراوە بۆ رووبەرووبووونەوەی ڤایرۆسی کۆرۆنا.
وتیشی" لە ڕۆژی یەک شەممەوە پارەی موچەی وەزارەتی پێشمەرگە ئامادەیە و هیچ کێشەیەک لە بونی پارە نییە".
ئاماژەی بۆ ئەوەشکرد" لە ئێستادا بەدوای میکانیزمێکدا دەگەڕێن، بۆ ئەوەی بتوانن تەندروستی هاوڵاتیانیش بپارێزن و موچەش دابەشبکەن".
ئەمە لەکاتێکدایە، بەپێى خشتەی مووچەی وەزارەتی دارایی و ئابوریی حکومەتی هەرێم ،بڕیاربوو، دوێنێ یەکشەممە، مووچەی وەزارەتی پێشمەرگە دابەشبکرێت.