وەزارەتی تەندروستی ھەرێمی كوردستان، راگەیەندراوێكی لەبارەی تووشبووان بە ڤایرۆسی كۆرۆنا بڵاو كردەوە و ئاشكرای كرد، تووشبووێكی دیكە لە سلێمانی دەستنیشانكرا.
ئەمشەو وەزارەتی تەندروستی تووشبوویەكی دیكەی بە ڤایرۆسی كۆرۆنا ڕاگەیاند و بەمەش كۆی گشتیی تووشبووان بە كۆرۆنا لە هەرێمی كوردستان گەیشتە ١٠٤ كەس.
لە راگەیێندراوەكەی وەزارەتی تەندروستیی هەرێمی كوردستان هاتووە، لە بەردەوامیی پشكنینەكان و گەڕان بەدوای گومانلێكراوان، تووشبوویەكی ڤایرۆسی كۆرۆنای نوێ لە شاری سلێمانی دەستنیشانكرا كە ئافرەتێكی تەمەن ٥٦ ساڵە و خێزانی تووشبوویەكی پێشووە.