" ژیانی سەلاحەدین دەمیرتاش لە مەترسیدایە"

‌


هاوسەری سەڵاحەدین دەمیرتاش. ڕایگەیاند" لەم کاتی بڵاوبوونەوەی کۆرۆنادا، ژیانی سەلاحەدین دەمیرتاش لە مەترسیدایە چونکە چەندین نەخۆشی لەگەڵدایە.



باش دەمیرتاش، هاوسەری سەڵاحەدین سەرکردەی ناسراوی باکوری کوردستان، بە ماڵپەڕی دیکەنی تورکی ڕایگەیاندوە،کە وەزیری تەندروستی تورکیا وتویەتی: هەرکەسێک نەخۆشیەکانی دڵ و فشاری خوێن و کۆئەندامی هەناسەی هەبێت کۆرۆنا بگرێت سەدا ٧٠ گیان لەدەست دەدات،سەڵاحەدینیش هەرسێ نەخۆشیەکەی هەیە.


 
ئەو دەسەڵاتدارانی تورکیاو رای گشتی ئاگادار دەکاتەوە، ئەگەر رێکاری پێویست بۆ تووشنەبوونی دەمیرتاش بە کۆرۆنا نەگیرێتەبەر، ئەوا ژیانی لە مەترسیدایە.


 

سەڵاحەدین دەمیرتاش ماوەی چەند ساڵێکە لە زیندانی ئەدیرنەی تورکیا زیندانی کراوەو چەند جارێک ناوەندە دادگایەکانی ئەوروپا داوای ئازادکردنیان کرد، بەڵام حکومەتی ئاکپارتی گوێی لەو داوایانە نەگرت.


 

لە تورکیا لە سەرەتای بڵاوبونەوەی کۆرۆنا لە تورکیا زیاتر لە ١٠٠ هەزار زیندانی ئازادکراون،بەڵام هیچ زیندانیەکی سیاسی ئازاد نەکراون.
 


PM:03:13:23/04/2020








ئەستێرەکان

Spee Media