وەزارەتی دارایی و ئابووری حکومەتی هەرێمی کوردستان بەردەوامە لە دابەشکردنی مووچەی موچەخۆران و فەرمانبەرانی هەرێم و بڕیارە هەفتەی داتوو مووچەی چەند وەزارەت و شوێنێک دابەشبکرێت.
رۆژی یەک شەممە وەک راگەیەندرابوو مووچەی وەزارەتی دارایی دابەشدەکرێت، لستی نوێی مووچە لە دوو شەممەوە دەستپێدەکات، بەپێی زانیاریەکانی "سپی" هەفتەی داهاتوو مووچەی ئەم شوێنانە دابەشدەکرێت:
- وەزارەتی پەروەردە.
- وەزارەتی كاروباری شەھیدان و ئەنفالكراوان و كەسوكاری شەھیدان و ئەنفالكراوان و زیندانی سیاسی.
-وەزارەتی خوێندنی باڵا.
-كەمئەندامان لە وەزارەتی كارو كاروباری كۆمەڵایەتی.
-وەزارەتی داد و ئەنجوومەنی دادوەری.
-مووچەی هەردوو وەزارەتی ئەوقاف و سامانە سرووشتیەكان.
-وەزارەتی كارو كاروباری كۆمەڵایەتی
مووچەخۆرانی هەرێم پێویستیان بە ٨٩٤ ملیار دینارە، لەو بڕە ٤٥٣ ملیاری وەزارەتی دارایی حکومەتی فیدراڵی بەغدا دەینێرێت بۆ هەرێم کە دەکاتە لە ٥١%، بڕەکەی تر حکومەتی هەرێم لە داهاتی نەوت ئامادەی دەکات، پێشبینی دەکرێت حکومەتی هەرێم بەهۆی دابەزینی نرخی نەوتەوە رووبەڕووی کورتهێنانی دارایی بەرچاو بێتەوە.