زینك ماددەیەكی گرنگە بۆ جەستەی مرۆڤ

زینك یەكێكە لەو ماددە گرنگانەی بەشدارە لەزیندە چالاكیەكانی جەستەی مرۆڤ، بەرپرسە لە بەهێزكردنی سیستمی بەرگری و یارمەتی ساڕێژبوونی برین دەدات.

زینك لەمەترسی توشبوون بە نەخۆشییەكانی پێست كەمدەكاتەوە، یەكێكە لە ماددە سەرەكیەكان كە بۆ جەستەی ئافرەتانی دووگیان پێویستە.

ماڵپەری healthline باشترین ئەو خۆراكەكانی خستەڕوو كە بەماددەی زینك دەوڵەمەندن، ئەوانیش: 

* گۆشت : سەرچاوەیەكی زۆر باشە بۆ بەدەستهێنانی زینك و بڕی پێویست لە ئاسن و ڤیتامین B بۆ جەستە دابین دەكات.
* گوێچكە ماسی: سەرچاوەیەكی تەندروست و كەم كالۆرییە بۆ بەدەستهێنانی زینك.
* پاقلەمەنیەكان: نۆك، فاسۆلیا و پاقلە رێژەیەكی زۆر زینكی تێدایە، هەروەها سەرچاوەیەكی زۆر باشە بۆ بەدەستهێنانی پرۆتین و ریشاڵەكان.
* تۆوی ڕووەكی: تۆوی كەتان، كولەكە، گوڵەبەرۆژە و كونجی سەرچاوەی دەوڵەمەندە بە زینك و پەستانی خوێن نزم دەكەنەوە و رێژەی كۆلیسترۆڵ هاوسەنگ دەكەن.
* چەرەسات: بادەم، گوێز، گازۆ، بندق و كاشو، رێژەی زینك لە لەش بەرزدەكەنەوە و هەروەها چەندین ڤیتامین و ماددەی خۆراكی گرنگ دەستەبەر دەكەن.
* بەرهەمی شیرەمەنی: بەگشتی دەوڵەمەندن بە زینك، بەتایبەتی شیرو پەنیر و بەسوودن بۆ تەندروستی ددان و ئێسك.
* هێلكە: دەتوانیت زۆرێك لەو ماددە خۆراكیانە بەدەستبهێنیت كە لە لەشدا كەمن، وەكو زینك، پرۆتین، ڤیتامین D، كالسیۆم، چەوری تەندروست، ئاسن و سلینیۆم.
* دانەوێڵە: گەنم، برنج، شۆفان و جۆ،  چەندین ڤیتامین و ماددەی خۆراكی دیكە بۆ جەستە دابیندەكەن.
 


ئه‌م بابه‌ته ‌78 جار خوێنراوه‌ته‌وه‌‌

AM:11:08:11/05/2020