وەزارەتی تەندروستی و ژینگەی عێراق، توشبونی ٩٥ كەسی دیكەی بە كۆرۆنا راگەیاند.
وەزارەتی تەندروستی و ژینگەی عێراق لە ڕاگەیەندراوێکدا ئاماژەی بەوەکردووە" تاقیگەکانیان لەسەرانسەری عێراق ژمارەیەک پشکنینیان ئەنجامداوە و دەرکەوتووە ٩٥ کەسی دیکەش توشی ڤایرۆسەکە بوون، بەشێوەیەک لە بەغدا ٧١کەس و بەسرە ١٨ کەس و کەربەلا ١ کەس و دیالە ٥ کەس".
هەر لە ڕاگەیەندراوەکەدا ئاماژە بەوەشکراوە" ١١٣ کەسیش لە ڤایرۆسەکە چاکبوونەتەوە و گەڕاونەتەوە ماڵەوە و ئەو دووکەسەش کە گیانیان لە دەستداوە دانیشتووی بەغدا بوون".
وەزارەتی تەندروستی عێراق راشیگەیاندووە" لە سەرتاسەری عێراق ٢٩١٣ كەس توشی كۆرۆنا بون، لەو ژمارەیەش ١١٢ كەس گیانیان لەدەستداوە و ١٩٠٣ كەسیش چاكبونەتەوە، ٨٩٨ كەسیش لەژێر چاودێری تەندروستی ماونەتەوە".