بەشیر حەداد: کازمی بەڵێنیداوە پێش جەژنی رەمەزان موچە بنێرێت

جێگری سەرۆکی پەرلەمانی عێراق رایدەگەیەنێت" سەرۆكی نوێی حكومەت بڕیاریداوە پێش جەژن مووچەی فەرمانبەرانی هەرێمی كوردستان بنێرێت".

 

د. بەشیر حەداد، جێگری سەرۆکی ئەنجوومەنی نوێنەرانی عێراق لە پەڕەی تایبەتی خۆی لە تۆڕی کۆمەڵایەتی فەیسبووک نوسیویەتی" كاتی كاندید بوونی و دوای دەرچونیشی بەڕێز كازمیم دیوە، بەڵێنی ئەوەی دا بەر لە جەژنی ڕەمەزان مووچەی هەرێمی كوردستان بنێرێت".

 

بەهۆی رادەست نەكردنی نەوتی هەرێم بە بەغدا، ئەمینداری ئەنجومەنی وەزیرانی عیراق مووچەی مانگی چواری فەرمانبەرانی هەرێمی كوردستانی راگرتووە و تائێستا رەوانە نەكراوە كە بڕەكەی ٤٥٤ ملیار دینارە.

 
 


ئه‌م بابه‌ته ‌9492 جار خوێنراوه‌ته‌وه‌‌

AM:09:52:13/05/2020