فەرهاد ئەتروشی هاوپەیمانەکانی پارتی و پەکەکە تۆمەتبار دەکات

‌
پارێزگاری دهۆک، فەرهاد ئەتروشی لە بارەی ئەو لایەنانەی لەپشت خۆپیشاندانەکەی شەممەی دهۆکەوە بوون، هەریەک لە یەکێتی و گۆڕان کە هاوپەیمانی حکومەتی پارتین و، یەکگرتوو کە هاوپەیمانی پارتیە لەسەر ئاستی پارێزگا تۆمەتبار دەکات کە لەپشت خۆپپیشاندانەکەوە بوون، هەروەها پەکەکەش تۆمەتبار دەکات.


لە کۆنگرەیەکی رۆژنامەگەری، فه‌رهاد ئه‌تروشی، پارێزگاری دهۆك، سەبارەت بە خۆپیشاندانه‌كه‌ی رۆژی شه‌ممه‌ی رابردووی شاری دهۆك رایگه‌یاند ' لاهور جه‌نگی و یه‌كگرتوو و گۆڕان له‌ پشت خۆپیشاندانه‌كه‌ی دهۆكه‌وه‌ بوون".


 سه‌باره‌ت به‌ ئه‌ندامی ئه‌و لایه‌نه‌ سیاسیانه‌ی به‌شداریان له‌و خۆپیشاندانانه‌ كردووه، پارێزگاری دهۆک وتیشی "‌ ئه‌ندامانی یه‌كگرتوو، یه‌كێتی و گۆڕان به‌شێوه‌یه‌كی فراوان به‌شداری خۆپیشاندانه‌كه‌یان كردووه، به‌ڵكو ئاماده‌كاری و كۆبوونه‌وه‌یان بۆ كردووه‌ و له‌لایه‌ن خودی لاهور شێخ جه‌نگی كۆبوونه‌وه‌ له‌گه‌ڵ ژماره‌یه‌ك له‌ به‌شداربووه‌كان كرا‌وه".


ئەتروشی کە لە جاران شیک تر دەردەکەوت لە کۆنگرەکەدا، لەبارەی خاوەندراێتی دهۆکەوە، ئەتروشی رایگەیاند"دهۆك خاوه‌نی خۆی هه‌یه‌ و ئه‌ویش پارتی دیموكراتی كوردستانه".
‌


دەربارەی گۆڕنکاری لەشارەکەو هەرێمدا، ئەتروشی وتی" ئەگە‌ر ئه‌و لایه‌نانه‌ ده‌یانه‌وێت گۆڕانگاری بكه‌ن ئه‌و پێویسته‌ به ‌رێگای دیموكراسی وه‌كو هه‌ڵبژاردن بكه‌ن، نه‌ك په‌نابردنه‌ به‌ر توندوتیژیی".
 


AM:12:36:19/05/2020








ئەستێرەکان

Spee Media