بەبۆنەی هاتنی جەژنی رەمەزانی پیرۆزەوە، ستافی دەزگای راگەیاندنی " سپی " پیرۆزباییەکی زۆر گەرم ئاراستە خەڵکی کوردستان دەکات.
جەژنی ئەمساڵ بە پێچەوانەی جەژنەکانی رابردووەوە، هەرێمی کوردستان و مرۆڤایەتی بە دۆخێکی تەواو جیاوازی ناخۆشی ئابوری و بڵاوبوونەوەی کۆرۆنادا تێدەپەرێت، کە نەک بۆتە هەڕەشە لەسەر توێژێکی کۆمەڵگا، بەلكو بۆتە بەلآیەکی جیهانی هەڕەشە لە گەلان و دەوڵەتان دەکات، بۆ خەڵکی کوردستان هەرچەندە کۆرۆنا بەهەوڵی هاوڵاتیان و کارمەندانی تەندروستی و لایەنە پەیوەندیدارەکانی تر، تا ئێستا کاریگەری سنوردارە، بەلآم بەهۆی خراپی دۆخی ئابوریەوە، هاولآتیان لە هەلومەرجێکی زۆر خراپدا دەژین.
بە بڕوابوونی تەواو بەهێز و خۆڕاگری گەلەکەمان، دڵنیاین ئەمڕۆژانە تێدەپەڕن و کوردستان و خەڵکەکەی سەربەرزانە ئەم قەیرانە قورسە دەکەن بە بەشێک لەمێژوو.
هیوادارین هەرچی زووە گەلەکەمان ئەم رۆژە ناخۆشانە تێپەڕێنێت و رۆژانی داهاتوو هەڵگری ژیانێکی باشتربێت بۆ خەڵکی کوردستان.
دووبارە پیرۆزەو سەرفرازبن.
دەزگای راگەیاندنی سپی..