فەرماندەی گشتی هەسەدە رایگەیاند" قۆناغی یەكەمی دیالۆگی نێوان لایەنە كوردیەكان سەركەوتوو بوو هیوادارە لایەنە سیاسیەكان لە خەمی بەرژەوەندی و داهاتوی خەڵكی رۆژئاوای كوردستاندابن".
ئەمشەو مەزڵووم کۆبانێ، فەرماندەی گشتی هێزەکانی سووریای دیموکرات "هەسەدە" لە تۆڕی کۆمەڵایەتی "تویتەر" ڕایگەیاند" قۆناغی یهكهمی پرۆژهی دیالۆگی كوردی-كوردی بهسهركهوتویی كۆتاییهات، ئێمه چوینه قۆناغی دوهمی گفتوگۆكانهوه".
فەرماندەی هێزەكانی سوریای دیموكرات وتیشی" هیوای ئێمە بۆ هەردوو لایەنی سیاسی ئەوەیە كە لە خەمی بەرژەوەندی و داهاتووی گەل بە بنەما بگرن".
هاوکات هەر لە پەیامەکەیدا کۆبانێ ئاماژهی بهوهشكردوه" ئێمه به یهكگرتوی سهردهكهوین و مێژوو دهنوسینهوه".
ئەو سەركردەی كورد لە رۆژئاوای كوردستان سەرپەرشتی رێكەوتنی نێوان تەڤدەم و ئەنجومەنی نیشتیمانی كوردی سوریا كرد و لە ئێستاد زۆرینەی لایەنە سیاسیەكانی رۆژئاوای كوردستان بڕیاریانداوە پێكەوە كار بكەن.