تەندروستی چەمچەماڵ: چوار کەسی دیکە تووشی کۆرۆنا بوون

‌

ته‌ندروستی چه‌مچه‌ماڵ رایدەگەیەنێت" ئەمڕۆ له ‌ئه‌نجامی پشكنینیه‌كان چوار تووشبووی ڤایرۆسی كۆرۆنا ده‌ستنیشانكراون". 

د. فه‌رهاد مسته‌فا، به‌ڕێوه‌به‌ری ته‌ندروستی چه‌مچه‌ماڵ له‌ راگه‌یه‌ندراوێكدا دەڵێت" دوای پشکنینی ڤایرۆسی کۆرۆنا لەتاقیگە دەرکەوت چوار کەسی تر تووشی ڤایرۆسی کۆرۆنا بوون، کە دوو پیاوی تەمەن (٥٤ و ٤٦) و ئافرەتێکی تەمەن ٧٠ ساڵ و کوڕێکی گەنجی تەمەن ١٩ ساڵە". 

سەبارەت بە تووشبووەکان بەڕێوەبەری تەندروستی چەمچەماڵ ئاماژەی بەوەکردووە" دوو لە تووشبووەکان دانیشتووی ناو قەزای چەمچەماڵ و دوانەکەی تریان دانیشتووی ناحیەی تەکییەی کاکە مەندن و نیشانەکانی نەخۆشییەکەیان هەیە، لە ئێستادا لە ژێر چاودێریدان". 

بەپێی دوایین ئامارەکانی وەزارەتی تەندروستیی هەرێمی کوردستان، تاوەکو ئێستا لە سلێمانی هەزار و ٨٧٨ کەس تووشی ڤایرۆسی کۆرۆنا بوون کە ٦٤٨ کەسیان چاکبوونەتەوە و ٦٣ کەسیشیان گیانیان لەدەستداوە.
 



PM:12:19:18/06/2020








ئەستێرەکان

Spee Media