ئەمڕۆ ئەنجوومەنی وەزیرانی هەرێمی کوردستان جارێکی دیکە کۆدەبێتەوە، هەروەها سبەی سێ سەرۆکایەتییەکەی هەرێم بڕیاری کۆتایی لەبارەی دەرماڵە و مووچەوە دەدەن.
كوێستان محەممەد وەزیری كاروكاروباری كۆمەڵایەتی لە لێدوانێكی ڕۆژنامەوانیدا ڕایگەیاند" دوای ئەوەی لە كۆبوونەوەی ڕۆژی شەممەدا وەزیرەكانی كابینەی نۆیەم بۆچوونی جیاوازیان لەبارەی دەستكاریكردنی مووچە و دەرماڵەكان هەبووە، ئەمڕۆ یەكشەممە جارێكی دیكە ئەنجوومەنی وەزیران لە ڕێگەی ڤیدیۆ كۆنفڕانسەوە كۆدەبێتەوە و پرسی مووچە تاوتوێ دەكرێت، بەڵام پێموایە لە كۆبوونەوەی ئەمڕۆشدا پرسی مووچە و دەرماڵەكان بڕیاری كۆتایی لەبارەوە نادرێت".
هاوکات بەپێی زانیارییەکان، سبەی دووشەممە ٢٢ی حوزەیران، هەر یەک لە نێچیرڤان بارزانی سەرۆکی هەرێمی کوردستان و مەسرور بارزانی سەرۆک وەزیران و رێواز فایەق سەرۆکی پەرلەمان کۆدەبنەوە و بڕیاری کۆتایی لە بارەی مووچە و دەرماڵەکان دەدەن.