ئه‌مڕۆ یەکشه‌ممه، ده‌سه‌ڵاتی فڕۆكه‌وانی شارستانی عێراق ماوه‌ی ڕاگرتنی گه‌شته ئاسمانییه‌كانی تاوه‌كو سەرەتای مانگی داهاتوو درێژكرده‌وه.
لە ڕاگەیەندراوێکدا وەزارەتی گواستنەوە و گەیاندنی حکومەتی هەرێمی کوردستان ئاماژەی بەوەکردووە" لە ئاگاداری نامەیەكدا دەسەڵاتی فڕۆكەوانی شارستانی عێراقی بڕیاری ماوەی ڕاگرتنی گەشتە ئاسمانییەكانی لە سەرجەم فڕۆكەخانەكانی عێراق تا ٢٠٢٠/٧/١ درێژكردەوە".
وەزارەتی گواستنەوە و گەیاندن
لە ڕاگەیەندراوەکەدا دەشڵێت" بڕیارەکە گەشتەکانی ناوخۆیی و دەرەکی عێراق و هەرێمی کوردستان دەگرێتەوە".
ڕاشیگەیاندووە" لە بڕیارەکەدا هەڵاواردن کراوەو رێگا بە گەشتی فڕۆکەکانی کارگۆ و رێکخراوەکانی فریاگوزاری و تیمەکانی تەندروستی و گەڕاندنەوەی هاووڵاتیانی عێراقی لە دەرەوە دەدرێت".