یەکێتی کەمکردنەوەی مووچە رەتدەکاتەوە

‌


ئەندامی مەکتەبی سیاسی یەکێتیی نیشتمانی کوردستان، د. میران محەمەد لە لێدوانێکدا رایگەیاند" ئێمە چاوەڕێی ئەوەمان لە حکومەت نەدەکرد کە ئەمڕۆ ئەو بڕیارە خراپە بدات بە کەم کردنەوەی موچە.
 
لە لێدوانیکی رۆژنامەوانیدا د. میران محەمەد ئەندامی مەکتەبی سیاسی یەکێتی رایگەیاند" لە بەیاننامەی چەند رۆژی پێشوترمان بە روونی داوامان  کردبوو بەپەلە دەست بکرێت بە دابەشکردنی موچە و لە وەزارەتەکانی تەندروستی و پێشمەرگە و ناوخۆوە دەستپێ بکات نەوەک کەم بکرێتەوە".




هەروەها ئەو ئەندامەی مەکتەبی سیاسی وتیشی "وەکو یەکێتی دژی کەم کردنەوەی موچەین و بە تەواوی رەتی دەکەینەوە".


میران محەمەد ئاشکراشیکرد " لە کۆبونەوەی ئاییندەماندا بەم نزیکانە تاوتوێ یٔەم بابەتە دەکەین و بژاردەکان هەڵدەسەنگێنین و وەک یەکێتی هەنگاوی پێویست دژی کەم کردنەوەی دەگرینەبەر


وە رەنگە لە دوای ئەوکۆبونەوەیە تیمی خۆمان لە حکومەت یٔاگاداربکەینەوە بۆ هەنگاوی دواتر و رێگری لە کەمکردنەوەکە".


ئەمڕۆ حکومەتی هەرێم بە بەشداری نوێنەرای هەر سێ لایەنی بەشداربووی سەرەکی پارتی و یەکێتی و گۆڕان، بڕیاریان دەرکرد کە پلە باڵاکان نیوەی مووچەیان لێببڕدرێت، مووچەخۆرانی یتر ٢١% یان لێببڕێت، خانەوادەی شەهید و ئەنفال و زیندانی سیاسی و ئەوانەی مووچەیان لە خوار ٣٠٠ هەزار دینارەوەیە مووچەیان کەمناکرێتەوە. 
 


AM:12:25:22/06/2020








ئەستێرەکان

Spee Media