وەزیری تەندروستی هەرێم لەبارەی هەڵکشانی ئێستای کۆرۆناوە لەهەرێم دەڵێت " باشترين رِێکار بۆ كەمکردنەوەى چڕى ئەم ڤایرۆسە تەنها بە دروستكردنى بۆشايى و لێك دووركەوتنەوەیە لەگەڵ بەستنى ماسك و بەردەوامى پشكنين".
لەو راگەیاندنەدا سامان بەرزنجی وەزیری تەندروستی دەڵێت "لە هەڵكشانى ئێستاى ڤايڕۆسى كۆڕۆناى نوێ COVID-19، چڕى ڤایرۆس لەناو كۆمەڵگا زۆر زيادى كردووە هەروەك هەڵگرانى ڤایرۆس و حالەتەكانى بە نيشانە و توند و ترسناك و گواستنەوە و ڕێژەى مردن زيادى كردووە دەرەنجام ڕۆژانە ژمارەى تووشبووان زۆر و ژمارەى چاكبووان كەمترە".
دەربارەی ئەو شێوازە نوێیەی وەزیری تەندروستی دەیخاتەڕوو دەڵێت" شێوازى نوێی قەدەغەى هاتووچۆ ئەم بۆشاييە زياد دەكات لەنێوان تاكەكانى كۆمەڵگا تا ئەوەندەى زۆربێت وە ترسناكى گواستنەوەى ڤایرۆس كەمدەبێتەوە."