بڕیارە ئەمڕۆ چوارشەممە ئەنجوومەنی نوێنەرانی عێراق دانیشتنێكی ئاسایی خۆی ساز بكات سەبارەت بە پرۆژە یاسای وەرگرتنی قەرزی ناوخۆیی و دەرەکی بۆ دابینکردنی مووچەی فەرمانبەران.
بەشیر حەداد جێگری سەرۆکی پەرلەمانی عێراق بە میدیاکانی رایگەیاند" کۆبونەوەکەی ئەمڕۆ لە هۆڵی گەورەی پەرلەمان بەڕێوەدەچێت، کۆبونەوەکەش بەڕەچاوکردنی رێکارەکانی خۆپارێزی و جێبەجێکردنی رێنماییە تەندروستییەکان بەڕێوەدەچێت و پەرلەمان دەنگ لەسەر پڕۆژەیاسای قەرزی ناوخۆ و دەرەکی دەدات".
دوێنێش راگەیاندنی پەرلەمانی عێراق بڵاویکردەوە، سەرۆکایەتی پەرلەمانی عێڕاق داوا لە پەرلەمانتاران دەکات کاتژمێر ١:٠٠ی دوانیوەڕۆی ئەمڕۆ چوارشەممە بە مەبەستی دەنگدان لەسەر پڕۆژەیاسای قەرزی ناوخۆیی و دەرەکی ئامادەی دانیشتنی پەرلەمان بن.
کۆبوونەوەکە لەکاتێکدایە، تائێستا ژمارهیهك پەرلەمانتار و زیاتر لە ٥٠ فەرمانبەر و پاسهوانی ئەنجوومەنی نوێنەران تووشی کۆرۆنا بوون.