بڕیارە سبەینێ یەکشەممە ئەنجومەنى گشتى سەرکردایەتی یەکیتی نیشتیمانی کوردستان کۆببێتەوە.
لەو بارەیەوە فەرید ئەسەسەرد سكرتێری ئەنجومەنی سەركردایەتی یەكێتیی نیشتمانیی كوردستان بە ماڵپەری فەرمی حزبەکەی راگەیاندووە" بڕیارە سبەینێ كۆبوونەوەی سەركردایەتی ئەنجامبدرێت و تێیدا دۆخی هەرێمی كوردستان و پەیوەندییەكانی هەرێم و بەغدا تاوتوێدەكرێن".
وتیشی" پرسی مووچەی فەرمانبەران و لامەركەزی بۆ پارێزگاكانی هەرێمی كوردستان و سیاسەتی حكومەتی هەرێم و چاكسازی و پەیوەندی نێوان حزبەكان، بەتایبەت یەكێتیی نیشتمانیی كوردستان لەگەڵ حزبەكانی دیكە و شێوەی رێكخستنەوەكانی هەرێمی كوردستان لەگەڵ بەغدا، پرسی گرنگی كۆبوونەوەكە دەبن".
ئەسەسەرد ڕاشیگەیاند" لەكۆبوونەوەی سبەینێی سەركردایەتیدا لەزاری قوباد تاڵەبانی-یەوە جێگری سەرۆك وەزیرانی حكومەتی هەرێمی كوردستان گوێ بیستی دواگۆڕانكاری پرسەكانی نێوان حكومەتی هەرێمی كوردستان و حكومەتی عیراق دەبینن، كە بێگومان یەكێتی هەڵوێستی خۆی هەیە لەسەر ئەو پرسانە".