هەرێمی کوردستان بڕی پێدانی کارەبا زیاد دەکات

‌


وەزیری کارەبای هەرێم رایگەیاند، زیادکردنی بڕی کارەبای لە مانگی تەموزدا راگەیاندو وتی " بۆ ئەم مانگە بڕی بەرهەمهێنانی کارەبا زیاد دەکەن و هەوڵدەدەن رۆژانە 17 کاتژمێر کارەبای نیشتمانی بدەنە هاوڵاتیان".


کەمال محەمەد، وەزیری کارەبای هەرێم بە ماڵپەری فەرمی پارتی راگەیاندووە، "لەم مانگەدا لە بەنداوی دوکان ٢٧٥ مەتری موکەعەب لە چرکەیەکدا ئاو بەردەدرێتەوە، ئەوەش بووەتە هۆکاری زیادبوونی بەرهەمهینانی کارەبای بەنداوی دوکان لە ١٢٠ مێگاواتەوە بۆ ٢٠٠ مێگاوات، لە دەربەندیخانیش بەرهەمێهێنانی کارەبا لە ٧٠ مێگاوەتەوە بۆ ٩٠ مێگاوات زیادبووە.


وەزیری کارەبا دەشڵیت " هەروەها چەند رێککەوتنێکی دیکەیان کردووە بۆ زیادکردنی بەرهەمهێنانی کارەبا، کە 150 مێگاوات لە خەبات زیادبووە و پێدەچێت هەفتەی داهاتووش 150 مێگاواتی دیکەش لە هەمان وێستگە زیادبکەن".



"رێککەوتنێکی دیکەیان کردووە بۆ دابینکردنی هەزار مێگاوات کارەبا لە ماوەی ٣٠ مانگدا، هەروەها رێکەوتنی زیادکردنی ٣٠٠ مێگاوات کارەبای بەرهەمهاتوویان کردووە لە پرۆژەکانی ئاودا لە سنوری سۆران و زاخۆ و ڕاپەڕین و گەرمیان، بەڵام بەهۆی کۆرۆناوە دەستنەکراوە بە جێبەجێکردنی، لەلایەکی دیکەشەوە ڕێکەوتن کراوە بۆ بەرهەمهێنانی ١٦٥ مێگاوات کارەبا لە گەرمیان کە لە رێگەی غازەوە بەرهەم دەهێنرێت".( وەک وەزیری کارەبا کەمال محەمەد رایگەیاند ).


بەوتەی وەزیری کارەبای هەرێم مانگی رابردوو، رۆژانە نزیکەی ١٦ کاتژمێر و ٣٠ خولەک کارەبا بە تێکڕا دابەشکراوە و هەوڵیشدەدەن بۆ ئەم مانگە پێدانی کارەبا لە ١٧ کاتژمێر کەمتر نەبێت.


تا ئێستا بەبەراورد بەهاوینی ساڵی پار ٢٠١٩ کارەبای هەرێم و پێدانی بەهاوڵاتیان لە ئاستێکی باشدایە.
 


PM:03:33:08/07/2020








ئەستێرەکان

Spee Media