رۆژنامەنووسێکی ناسراوی یەکێتی دەڵێت " بەپێی سەرچاوەیەك تا ئێستا حكومەت پارەی بەردەست (نەسریە) و موچەی سەرۆكایەتی هەرێمی خەرج نەكردووە، فەرمانبەرو كاربەدەستانی سەرۆكایەتی هەرێم موچەیان وەرنەگرتووە".
سەرتیپ جەوهەر لە تۆڕی کۆمەڵایەتی فەیسبووک نووسیوویەتی " تا ئێستا هۆكاری سەرف نەکردنی نەسریە لەلایەن حکومەتەوە بۆ سەرۆکایەتی هەرێم، رووننەكراوەتەوە، پێدەچێت بەهۆی ئامادەنەبوونی سەرۆكایەتی بێت بەكەمكردنەوەی پارەی مانگانەی كارپێكردنی (تەشغیلی) سەرۆكایەتی هەرێم و رازینەبوونی ئەنجومەنی وەزیران بێت بەو بڕە پارەیەی پێشوو سەرۆكایەتی هەرێم وەك پارەی بەردەست وەریاندەگرت."
ئەم مانگە تا ١٤ ی تەمموز هەموو موچەخورانی كوردستان بەخانەنشینی سەربازی و مەدەنیشەوە موچەكانیان وەرگرتووە.