بڕیارە هەفتەی داهاتوو هەردوو مەکتەبی سیاسی یەکێتی و پارتی پێکەوە لە هەولێر کۆببنەوە.
ئاسۆس عەلی بەرپرسی بۆردی ڕێکخستنی یەکێتی نیشتیمانی کوردستان کە هاوکات ئەندامی سەرکردایەتی یەکێتیە ڕایگەیاند" کە هەفتەی داهاتوو مەکتەبی سیاسی یەکێتی و پارتی لە شاری هەولێر کۆدەبنەوە".
لەدوای کۆنگرەی یەکێتی ئەمە بۆ یەکەمین جارە مەکتەبی سیاسی یەکێتی و پارتی کۆببنەوە.
کۆبوونەوەی یەکێتی و پارتی لە کاتێکدایە کە ئەو دوو هێزە پەیوەندیەکانیان باش نییە، لەدوا کۆبوونەوەی سەرکردایەتی یەکێتیدا ئەو حیزبە بڕیاری دا کە کارەکانی لە سەرۆکایەتی پەرلەمان و فراکسیۆنەکەی لە پەرلەمانی کوردستان هەڵپەسێرێت.