چاکسازی گەورانی سلێمانی ڕایدەگەیەنێت" بەپێی رێنماییەکانی وەزارەتی کارو کاروباری کۆمەڵایەتی لە دوای جەژنی قوربان سەردانیکردنی کەسوکاری سزادراون دەستپێدەکاتەوە".
بەڕێوەبەرایەتی چاكسازی گەوران لە سلێمانی لە ڕاگەیەنراوێكدا بڵاویکردەوە، بەپێی ڕێنماییەكانی وەزارەتی كار و كاروباری كۆمەڵایەتی، بەڕێوەبەری چاكسازی گەورانی سلێمانی بڕیاردا ڕێگە بە سەردانی سزادراون بدرێت بە مەرج و ڕێكاری نوێ.
ڕاشیگەیاندووە، لەدوای پشووەكانی جەژنی قوربان ڕاستەوخۆ سەردانیكردنی سزادراوان دەست پێدەكاتەوە لەلایەن كەسوكاریانەوە بەپێی ئەم ڕێنمایانەی خوارەوە:
١. سەردانیكردن تەنها بۆ سێ كەسی پلەی یەكی سزادراوەكەیە تا قەرەباڵغی زۆر دروست نەبێت.
٢. دەبێت ئەو سێ كەسەی دێن بۆ سەردانی كردن پشكنینی كۆرۆنایان كردبێت و ناسنامەیان پێ بێت و ڕێنماییە تەندروستییەكان جێبەجێ بكەن و ماسك و دەستكێشیان پێبێت.
٣. خشتەی سەردانیكردن دواتر بەپێی بلوك و راڕەوەكان بڵاو دەكرێتەوە و سزادراوان كەسوكاریان ئاگادار دەكەن.