نێچیرڤان بارزانی كۆبوونه‌وه‌ی پارتی و یه‌كێتی رێکدەخات
یەکێتی بەشداری کۆبوونەوەی پەرلەمان دەکات

‌

ئێواره‌ی ئه‌مڕۆ یه‌كشه‌ممه‌ 26/7/2020 له‌ هه‌ولێر نێچیرڤان بارزانی، سه‌رۆكی هه‌رێمی كوردستان، میوانداریی كۆبوونه‌وه‌ی هاوبه‌شی یه‌كێتیی نیشتمانیی كوردستان و پارتی دیموكراتی كوردستانی كردو ئامادە سازی بۆ کۆبوونەوەی تر دەکرێت و یەکیتیش بەشداری کۆبوونەوەکانی پەرلەمان دەکات. 


له‌ كۆبوونه‌وه‌كه‌دا كه‌ به‌ ئاماده‌بوونی بافڵ تاڵه‌بانی، هاوسه‌رۆكی یه‌كێتیی نیشتمانیی كوردستان به‌ڕێوه‌ چوو، هه‌ردوولا به‌ ڕاشكاوی كێشه‌ و گرفته‌كان و بارودۆخی هه‌رێمی كوردستان و په‌یوه‌ندییه‌ دووقووڵییه‌كانیان تاوتوێ كرد. 


داكۆكی كرایه‌وه‌ له‌سه‌ر زه‌رووره‌تی په‌یوه‌ندیی نێوان پارتی و یه‌كێتی به‌تایبه‌تی و سه‌رجه‌م لایه‌نه‌ سیاسی و پێكهاته‌كانی كوردستان به‌مه‌به‌ستی چاره‌سه‌ركردنی كێشه‌كان و پاراستنی یه‌كڕیزی و ته‌بایی كه‌ زه‌رووره‌تێكی ئه‌م قۆناغه‌ هه‌ستیاره‌یه‌ بۆ ڕووبه‌ڕووبوونه‌وه‌ی ئه‌و بارودۆخه‌ قورسه‌ی له‌ ده‌ره‌نجامی په‌تای كۆرۆنا و قه‌یرانی دارایی و كێشه‌كانی دیكه‌دا به‌سه‌ر هه‌رێمی كوردستاندا هاتووه‌.


له‌ كۆبوونه‌وه‌كه‌دا دووپاتی زه‌رووره‌تی به‌رده‌وامیی گفتوگۆی نێوان هه‌ردوولا كرایه‌وه‌ كه‌ ئامانج لێی چاره‌سه‌ركردن و زاڵبوون به‌سه‌ر كێشه‌كاندا و سووككردنی ئه‌و باره‌ قورسه‌یه‌ له‌ ده‌ره‌نجامی كێشه‌ و قه‌یرانه‌كان كه‌وتووه‌ته‌ ئه‌ستۆی هاووڵاتیان، هه‌روه‌ها داكۆكی له‌سه‌ر پابه‌ندبوون به‌ ڕێككه‌وتنه‌كانی نێوان هه‌ردوولا و پاڵپشتیی دامه‌زراوه‌كانی هه‌رێم و كاری هاوبه‌ش له‌ په‌رله‌مان و حكوومه‌تی هه‌رێمی كوردستان كرایه‌وه‌.
 


AM:01:37:27/07/2020








ئەستێرەکان

Spee Media