ئەمڕۆ هەینی نرخی نەوت لە بازاڕی بۆرسە دابەزینی تۆماكرد، دوای ئەوەی چەند رۆژێك نرخەكەی جێگیر بوو، لە خوار ٤٣ دۆلاره‌وه مامه‌ڵه‌ی پێوه‌ده‌كرێت.
بەپێی ئاژانسی هەواڵی رۆیتەرز، نرخی بەرمیلێك نەوتی برێنت بە ٤٣ دۆلارو ١٤ سەنت لە بازاڕەکانی جیهان مامەڵەی پێوەکرا، لە کاتێکدا دوێنێ پێنج شەممە بە ٤٣ دۆلار و ٧٥ سەنت مامەڵەی پێوە كرابوو، هاوکات نرخی بەرمیلێک نەوتی خاوی ئەمریکیش بە ٤٠ دۆلارو ٧ سەنت مامەڵەی پێوەکرا، دوێنێ لە هەمانكاتدا بە ٤١ دۆلار و ١٨ سەنت مامەڵەی پێوە كرابوو.
بەهۆی ململانێکانی نێوان روسیا و سعودیە وەکو دوو گەورەترین هەناردەکاری نەوت لەلایەک و کەمبوونەوەی خواست لەسەر کڕێنی نەوت لەلایەن کڕیارەکانەوە، مانگی ئازار بەهای نەوتی برێنت بۆ نزمترین ئاستی دابەزی و لە خوار ٢٥ دۆلارەوە مامەڵەی پێوەدەکرا.