لە راگەیەندراوێکدا، وەزارەتی دەرەوەی فەرەنسا ئاماژە بۆ ئەوە دەکات کە ئەو بوردوومانەی توركیا، كە بووە ھۆی گیان لەدەستدانی چەند كەسێك لە پاسەوانانی سنووری عێراق لە پارێزگای ھەولێر، شەرمەزار دەكات و "بە پێشھاتێكی مەترسیداری" وەسفكرد.
فەرەنسا یەکەم وڵاتی رۆژئاوایی گەورەیە کە بەراشکاوی هێرشی فڕۆکەکانی تورکیا بۆ سەر ناوچەکانی سیدەکان لەهەولێر مەحکوم دەکات.
رۆژی ١١ ی ئاب فڕۆکەجەنگیەکانی تورکیا لەناوچەی سیدەکان بۆردومانی هێزێکی پاسەوانی سنوریان کردو دوو ئەفسەری پلە باڵایان بە پلەی عەمید و عەقید و چەند سەربازێک گیانیان لەدەستدا.
ئەم هێرشە بۆتە مایەی پێشاندانی هەڵوێستێکی توند لەلایەن عێراقەوەو لەدەزگا باڵاکانی وڵاتەوە چەندان هەڵوێستی توند نیشان درا.